خلیفہ اول بلا فصل سیدنا ابوبکر صدیق ؓ کے فضائل کے بیان میں
حسن بن علی حلوانی جعفر بن عون حضرت ابن ابی ملیکہ ؓ سے روایت ہے کہ میں نے حضرت عائشہ ؓ سے سنا اور ان سے پوچھا گیا کہ رسول اللہ ﷺ (اگر اپنی حیات طیبہ) میں کسی کو خلیفہ بناتے تو کس کو بناتے؟ حضرت عائشہ ؓ نے فرمایا حضرت ابوبکر ؓ کو پھر حضرت عائشہ ؓ سے پوچھا گیا کہ پھر اس کے بعد کس کو؟ حضرت عائشہ ؓ نے فرمایا حضرت عمر ؓ کو، پھر حضرت عائشہ ؓ سے پوچھا گیا کہ حضرت عمر ؓ کے بعد کس کو بناتے؟ حضرت عائشہ ؓ نے فرمایا حضرت ابوعبیدہ بن جراح ؓ کو، پھر اس کے بعد حضرت عائشہ ؓ خاموش ہوگئیں۔