عبداللہ بن عباس کی مرویات
حضرت ابن عباس ؓ سے مروی ہے کہ ایک مرتبہ وہ حضرت امیر معاویہ ؓ کے ساتھ بیت اللہ کا طواف کر رہے تھے، حضرت امیر معاویہ ؓ خانہ کعبہ کے تمام کونوں کا استلام کرنے لگے، حضرت ابن عباس ؓ نے ان سے کہا کہ آپ ان دو کونوں کا استلام کیوں کر رہے ہیں جبکہ نبی ﷺ نے ان کا استلام نہیں کیا؟ انہوں نے فرمایا کہ بیت اللہ کے کسی حصے کو ترک نہیں کیا جاسکتا، اس پر حضرت ابن عباس ؓ نے یہ آیت پڑھی کہ تمہارے لئے پیغمبر اسلام ﷺ کی ذات میں بہترین نمونہ موجود ہے، حضرت معاویہ ؓ نے فرمایا کہ آپ نے سچ کہا۔