عبداللہ بن عباس کی مرویات
حضرت ابن عباس ؓ سے مروی ہے کہ ایک مرتبہ نبی ﷺ کسی سفر میں تھے، رات کے آخری حصے میں آپ ﷺ نے پڑاؤ کیا اور سو گئے اور آنکھ اس وقت تک نہیں کھلی جب تک سورج نہ نکل آیا، نبی ﷺ نے حضرت بلال ؓ کو حکم دیا، انہوں نے اذان دی، پھر نبی ﷺ نے دو رکعتیں پڑھائیں، حضرت ابن عباس ؓ فرماتے تھے کہ رخصت کی جو سہولت ہمیں دی گئی ہے مجھے اس کے بدلے میں اگر دنیا ومافیہا بھی دے دی جائے تو میں خوش نہ ہوں گا۔