عبداللہ بن عباس کی مرویات
حضرت ابن عباس ؓ سے مروی ہے کہ جب حضرت سعد بن ابی وقاص ؓ اور ابن عمر ؓ نے مسح علی الخفین کے متعلق سوال کیا تو میں اس وقت وہیں موجود تھا، حضرت عمر ؓ نے حضرت سعد ؓ کے حق میں فیصلہ دیا تھا، حضرت ابن عباس ؓ کہتے ہیں کہ میں نے حضرت سعد ؓ سے کہا اے سعد! یہ تو ہم جانتے ہیں کہ نبی ﷺ نے موزوں پر مسح کیا ہے، لیکن سورت مائدہ کے نزول سے پہلے یا بعد میں؟ آپ کو یہ بات کوئی بھی نہیں بتائے گا کہ نبی ﷺ نے سورت مائدہ کے نزول کے بعد موزوں پر مسح کیا ہے، اس پر حضرت عمر ؓ خاموش ہوگئے۔