حضرت عبداللہ بن عمر ؓ کی مرویات
عبداللہ بن ابی ملیکہ کہتے ہیں کہ حضرت امیر معاویہ ؓ ایک مرتبہ مکہ مکرمہ آئے تو بیت اللہ کے اندر تشریف لے گئے اور حضرت ابن عمر ؓ کے پاس یہ پیغام بھیجا کہ نبی کریم ﷺ نے بیت اللہ کے اندر کسی حصے میں نماز پڑھی تھی؟ انہوں نے بتایا کہ باب کعبہ کے عین سامنے دو ستونوں کے درمیان اتنی دیر میں حضرت عبداللہ بن زبیر ؓ آگئے اور زور زور سے دروازہ بجایا دروازہ کھلا تو انہوں نے حضرت امیر معاویہ ؓ سے کہا کہ آپ کو معلوم تھا کہ یہ بات ابن عمر ؓ کی طرح مجھے بھی پتہ ہے (پھر بھی آپ نے یہ بات ان سے دریافت کروائی؟ ) اصل بات یہ ہے کہ آپ کو مجھ سے حسد ہے۔