صحیفہ ہمام بن منبہ رحمتہ اللہ علیہ
حضرت ابوہریرہ ؓ سے مروی ہے کہ نبی کریم ﷺ نے فرمایا جو شخص کسی کی نماز جنازہ پڑھے اسے ایک قیراط کے برابر ثواب ملے گا اور جو شخص دفن سے فراغت ہونے تک انتظار کرتا رہا اسے دو قیراط کے برابر ثواب ملے گا جن میں سے چھوٹا قیراط احد پہاڑ کے برابر ہوگا، حضرت ابن عمر ؓ کو یہ حدیث معلوم ہوئی تو انہوں نے اسے بہت اہم سمجھا اور حضرت عائشہ ؓ کے پاس یہ دریافت کرنے کے لئے ایک آدمی کو بھیجا حضرت عائشہ ؓ نے فرمایا کہ ابوہریرہ سچ کہتے ہیں، اس پر حضرت ابن عمر ؓ نے فرمایا کہ اس طرح تو ہم نے بہت سے قیراط ضائع کردئیے۔