حضرت اسامہ بن زید ؓ کی مرویات
یحییٰ بن قیس کہتے کہ میں نے عطاء سے دینار کے بدلے دینار اور درہم کے بدلے درہم کے تبالے کے متعلق پوچھا جبکہ ان کے درمیان کچھ اضافی چیز بھی ہو تو انہوں نے کہا کہ حضرت ابن عباس ؓ اسے حلال قرار دیتے ہیں اس پر حضرت عبداللہ بن زبیر ؓ نے کہا کہ ابن عباس وہ بات بیان کر رہے ہیں جو انہوں نے نبی کریم ﷺ سے خود نہیں سنی، حضرت ابن عباس ؓ کو معلوم ہوا تو انہوں نے فرمایا یہ چیز میں نے براہ راست نبی کریم ﷺ سے نہیں سنی ہے، البتہ حضرت اسامہ بن زید ؓ نے مجھے بتایا ہے کہ نبی کریم ﷺ نے فرمایا سود کا تعلق تو ادھار یا تاخیر سے ہوتا ہے۔