مسند امام احمد - حضرت مطلب بن ابی وداعہ کی حدیثیں - حدیث نمبر 2404
أَخْبَرَنَا قُتَيْبَةُ، ‏‏‏‏‏‏قال:‏‏‏‏ حَدَّثَنَا اللَّيْثُ، ‏‏‏‏‏‏عَنْ خَيْرِ بْنِ نُعَيْمٍ الْحَضْرَمِيِّ، ‏‏‏‏‏‏عَنْ ابْنِ هُبَيْرَةَ، ‏‏‏‏‏‏عَنْ أَبِي تَمِيمٍ الْجَيْشَانِيِّ، ‏‏‏‏‏‏عَنْ أَبِي بَصْرَةَ الْغِفَارِيِّ، ‏‏‏‏‏‏قال:‏‏‏‏ صَلَّى بِنَا رَسُولُ اللَّهِ صَلَّى اللَّهُ عَلَيْهِ وَسَلَّمَ الْعَصْرَ بِالْمُخَمَّصِ، ‏‏‏‏‏‏قَالَ:‏‏‏‏ إِنَّ هَذِهِ الصَّلَاةَ عُرِضَتْ عَلَى مَنْ كَانَ قَبْلَكُمْ فَضَيَّعُوهَا، ‏‏‏‏‏‏وَمَنْ حَافَظَ عَلَيْهَا كَانَ لَهُ أَجْرُهُ مَرَّتَيْنِ، ‏‏‏‏‏‏وَلَا صَلَاةَ بَعْدَهَا حَتَّى يَطْلُعَ الشَّاهِدُ وَالشَّاهِدُ النَّجْمُ.
نماز مغرب میں تاخیر سے متعلق
ابو بصرہ غفاری ؓ کہتے ہیں کہ رسول اللہ ﷺ نے ہمیں مخمص ١ ؎ میں عصر پڑھائی، اور فرمایا: یہ نماز تم سے پہلے جو لوگ گزرے ان پر پیش کی گئی تو انہوں نے اسے ضائع کردیا، جو اس پر محافظت کرے گا اسے دہرا اجر ملے گا، اس کے بعد کوئی نماز نہیں ہے یہاں تک کہ شاہد طلوع ہوجائے ٢ ؎،شاہد ستارہ ہے۔
تخریج دارالدعوہ: صحیح مسلم/صلاة المسافرین ٥١ (٨٣٠)، (تحفة الأشراف: ٣٤٤٥)، مسند احمد ٦/٣٩٦، ٣٩٧ (صحیح )
وضاحت: ١ ؎: مخمص ایک جگہ کا نام ہے۔ ٢ ؎: سورج ڈوبنے کے تھوڑی دیر بعد ہی شاہد طلوع ہوتا ہے، مصنف نے اس سے مغرب کی تاخیر پر استدلال کیا ہے جیسا کہ ترجمۃ الباب سے ظاہر ہے، یہ صحیح نہیں ہے کیونکہ مغرب کی تعجیل نصوص سے ثابت ہے یہ ایک اجماعی مسئلہ ہے۔
قال الشيخ الألباني: صحيح
صحيح وضعيف سنن النسائي الألباني: حديث نمبر 521
Top