Anwar-ul-Bayan - 43 : 32

اَهُمْ یَقْسِمُوْنَ رَحْمَتَ رَبِّكَ١ؕ نَحْنُ قَسَمْنَا بَیْنَهُمْ مَّعِیْشَتَهُمْ فِی الْحَیٰوةِ الدُّنْیَا وَ رَفَعْنَا بَعْضَهُمْ فَوْقَ بَعْضٍ دَرَجٰتٍ لِّیَتَّخِذَ بَعْضُهُمْ بَعْضًا سُخْرِیًّا١ؕ وَ رَحْمَتُ رَبِّكَ خَیْرٌ مِّمَّا یَجْمَعُوْنَ

اَهُمْ يَقْسِمُوْنَ : کیا وہ تقسیم کرتے پھرتے ہیں رَحْمَتَ رَبِّكَ : رحمت تیرے رب کی نَحْنُ قَسَمْنَا : ہم نے تقسیم کی بَيْنَهُمْ : ان کے درمیان مَّعِيْشَتَهُمْ : ان کی معیشت فِي الْحَيٰوةِ الدُّنْيَا : دنیا کی زندگی میں وَرَفَعْنَا : اور بلند کیا ہم نے بَعْضَهُمْ : ان میں سے بعض کو فَوْقَ بَعْضٍ : بعض پر دَرَجٰتٍ : درجوں میں لِّيَتَّخِذَ : تاکہ بنائیں بَعْضُهُمْ : ان میں سے بعض بَعْضًا سُخْرِيًّا : بعض کو خدمت گار۔ تابع دار وَرَحْمَتُ رَبِّكَ : اور رحمت تیرے رب کی خَيْرٌ : بہتر ہے مِّمَّا : ہراس چیز سے يَجْمَعُوْنَ : جو وہ جمع کررہے ہیں

کیا یہ لوگ تمہارے پروردگار کی رحمت کو بانٹتے ہیں ؟ ہم نے ان میں ان کی معیشت کو دنیا کی زندگی میں تقسیم کردیا اور ایک کے دوسرے پر درجے بلند کئے تاکہ ایک دوسرے سے خدمت لے اور جو کچھ یہ جمع کرتے ہیں تمہارے پروردگار کی رحمت اس سے کہیں بہتر ہے

(43:32) اہم۔ ہمزہ استفہام انکاری کا ہے ہم سے مراد وہ لوگ جو کہ کہتے تھے کہ یہ قرآن ان دو بستیوں کے کسی بڑے آدمی پر کیوں نہ ناز ہوا۔ یقسمون۔ مضارع جمع مذکر غائب قسمۃ (باب ضرب) وہ بانٹتے ہیں۔ رحمۃ ربک : ربک مضاف مضاف الیہ مل کر مضاف الیہ۔ رحمۃ مضاف یہ مضاف الیہ و مضاف مل کر مفعول اپنے فعل یقسمون کا۔ آپ کے رب کی رحمت کو مراد نبوت ہے۔ معیشتم : معیشت اسم مصدر مضاف ہم ضمیر جمع مذکر غائب مضاف الیہ۔ ان کا سامان زندگی۔ قسمنا کا مفعول درجت : درجۃ کی جمع۔ مرتبے۔ بلندیاں۔ درجے، منصوب بوجہ تمیز ہے۔ ازروئے درجات۔ مرتبوں کے لحاظ سے۔ لیتخذ : لام تعلیل کا ہے۔ یتخذ مضارع منصوب بوجہ عمل لام واحد مذکر غائب اتخاذ (افتعال) مصدر وہ بنالے۔ سخریا۔ خدمت گار۔ تابعدار۔ یتخذ کا مفعول ہے۔ مطلب یہ کہ سامان زندگی اللہ تعالیٰ تقسیم کرتا ہے کسی کو کثیر مال و متاع دے کر دنیاوی طور پر اونچا کردیتا ہے کسی کو رزق کی کمی سے پست کردیتا ہے تاکہ وہ ایک دوسرے سے کام لیتے رہیں۔ علامہ آلوسی (رح) لکھتے ہیں :۔ ترجمہ :۔ تاکہ وہ ایک دوسرے کو اپنی مصلحتوں کے لئے استعمال کریں اور مختلف پیشوں میں ان سے خدمت لیں۔ اور مختلف کاموں میں ان سے فائدہ اٹھائیں۔ رحمت ربک : تیرے رب کی رحمت۔ یعنی نبوت اور لوازم نبوت۔ مما : من اور ما سے مرکب ہے یجمعون مضارع جمع مذکر غائب جمع (باب فتح) مصدر، وہ جمع کرتے ہیں (یعنی دنیا کا وہ مال جو وہ ساری عمر اکٹھے کرتے رہتے ہیں اس سے مرتبہ نبوت اور اس کے لوازمات بدرجہا نہتر اور افضل ہیں۔

Top