Tafseer-e-Majidi - Al-Baqara : 244
وَ قَاتِلُوْا فِیْ سَبِیْلِ اللّٰهِ وَ اعْلَمُوْۤا اَنَّ اللّٰهَ سَمِیْعٌ عَلِیْمٌ
وَقَاتِلُوْا : اور تم لڑو فِيْ : میں سَبِيْلِ : راستہ اللّٰهِ : اللہ وَاعْلَمُوْٓا : اور جان لو اَنَّ : کہ اللّٰهَ : اللہ سَمِيْعٌ : سننے والا عَلِيْمٌ : جاننے والا
اور اللہ کی راہ میں قتال کرو،923 ۔ اور جانے رہو کہ اللہ بڑا سننے والا ہے، خوب جاننے والا ہے،924 ۔
923 ۔ (اے امت اسلامیہ ! ) حکم کی مخاطب امت بہ حیثیت جماعت ہے، افراد امت نہیں، کہ فردا فردا ہر شخص جب جی چاہے، تلوار اٹھا کر چلانا شروع کردے۔ اس تمہیدی حکایت کے بعد کہ موت وزیست سب کا آخری سررشتہ اسی کے ہاتھ میں ہے، اب حکم ملتا ہے کہ اسی کے حکم سے، اسی کے دین وآئین کی خدمت ونصرت کے لیے، جہاد و قتال میں مشغول ہوجاؤ۔ 924 ۔ (آیت) ” سمیع “ وہ خوب سن رہا ہے، جہاد کرنے والوں اور نہ کرنے والوں دونوں کی باتوں کو (آیت) ” علیم ‘ ‘۔ وہ خوب جانتا ہے جہاد کرنے والوں اور نہ کرنے والوں دونوں کی نیتوں کو۔
Top