Mutaliya-e-Quran

وَ قِیْلَ لِلَّذِیْنَ اتَّقَوْا مَا ذَاۤ اَنْزَلَ رَبُّكُمْ١ؕ قَالُوْا خَیْرًا١ؕ لِلَّذِیْنَ اَحْسَنُوْا فِیْ هٰذِهِ الدُّنْیَا حَسَنَةٌ١ؕ وَ لَدَارُ الْاٰخِرَةِ خَیْرٌ١ؕ وَ لَنِعْمَ دَارُ الْمُتَّقِیْنَۙ

وَقِيْلَ : اور کہا گیا لِلَّذِيْنَ اتَّقَوْا : ان لوگوں سے جنہوں نے پرہیزگاری کی مَاذَآ : کیا اَنْزَلَ : اتارا رَبُّكُمْ : تمہارا رب قَالُوْا : وہ بولے خَيْرًا : بہترین لِلَّذِيْنَ : ان کے لیے جو لوگ اَحْسَنُوْا : بھلائی کی فِيْ : میں هٰذِهِ : اس الدُّنْيَا : دنیا حَسَنَةٌ : بھلائی وَلَدَارُ الْاٰخِرَةِ : اور آخرت کا گھر خَيْرٌ : بہتر وَلَنِعْمَ : اور کیا خوب دَارُ الْمُتَّقِيْنَ : پرہیزگاروں کا گھر

دوسری طرف جب خدا ترس لوگوں سے پوچھا جاتا ہے کہ یہ کیا چیز ہے جو تمہارے رب کی طرف سے نازل ہوئی ہے، تو وہ جواب دیتے ہیں کہ "بہترین چیز اتری ہے" اِس طرح کے نیکوکار لوگوں کے لیے اِس دنیا میں بھی بھلائی ہے اور آخرت کا گھر تو ضرور ہی ان کے حق میں بہتر ہے بڑا اچھا گھر ہے متقیوں کا

[وَقِيْلَ؛اور (جب) کہا جاتا ہے ] [ لِلَّذِيْنَ : ان سے جنھوں نے ] [ اتَّقَوْا : تقوٰی اختیار کیا ] [ مَاذَآ : کیا ] [ انزَلَ : اتارا ] [ رَبُّكُمْ : تمہارے رب نے ] [ قَالُوْا : تو وہ کہتے ہیں ] [ خَيْرًا ۭ: (اس نے اتارا) بہترین کو ] [ لِلَّذِيْنَ : ان کے لئے جنھوں نے ] [ اَحْسَنُوْا : بلا کم وکاست کام کیا،] [ فِيْ هٰذِهِ الدُّنْيَا : اس دنیا میں ] [ حَسَـنَةٌ ۭ: (ان کے لئے) ایک بھلائی ہے ] [ وَلَدَارُ الْاٰخِرَةِ : اور یقینا آخرت کا گھر (تو)] [ خَيْرٌ ۭ: سب سے بہتر ہے ] [ وَلَنِعْمَ : اور یقینا کتنا اچھا ہے ] [ دَارُ الْمُتَّقِيْنَ : تقوٰی کرنے والوں کا گھر ] ترکیب : (آیت۔ 30) خَیْرًا کی نصب بتارہی ہے کہ اس سے پہلے اس کا فعل اَنْزَلَ محذوف ہے۔ حَسَنَۃٌ مبتدا مؤخر نکرہ ہے۔ اس کی خبر وَاجِبٌ یا ثَابِتٌ محذوف ہے۔ اس کے آگے ایک گنجائش یہ ہے کہ لِلَّذِیْنَ اَحْسَنُوْا کو قائم مقام خبر مقدم مانیں اور فِیْ ھٰذِہِ الدُّنْیَا کو متعلق خبر مانیں۔ ایسی صورت میں جملہ ہوگا اَلْحَسَنَۃُ وَاجِبٌ لِلَّذِیْنَ اَحْسَنُوْا فِیْ ھٰذِہِ الدُّنْیَا۔ دوسری گنجائش یہ ہے کہ فِیْ ھٰذِہِ الدُّنْیَا کو قائم مقام خبرمانیں اور لِلَّذِیْنَ اَحْسَنُوْا کو متعلق خبر مانیں۔ ایسی صورت میں جملہ ہوگا اَلْحَسَنَۃُ وَاجِبٌ فِیْ ھٰذِہِ الدُّنْیَا لِلَّذِیْنَ اَحْسَنُوْا۔ اگلی عبارت وَلَدَارُ الاْٰ خِرَۃُ خَیْرٌ کا تقاضہ ہے کہ دوسری گنجائش کو ترجیح دی جائے۔

Top