آسان قرآن
Aasan Quran · 27. An-Naml · Ayah 42
فَلَمَّا جَآءَتْ قِیْلَ اَهٰكَذَا عَرْشُكِ١ؕ قَالَتْ كَاَنَّهٗ هُوَ١ۚ وَ اُوْتِیْنَا الْعِلْمَ مِنْ قَبْلِهَا وَ كُنَّا مُسْلِمِیْنَ﴿42﴾
- فَلَمَّاپس جب
- جَآءَتْوہ آئی
- قِيْلَکہا گیا
- اَهٰكَذَاکہا ایسا ہی ہے
- عَرْشُكِتیرا تخت
- قَالَتْوہ بولی
- كَاَنَّهٗگویا کہ یہ
- هُوَوہی
- وَاُوْتِيْنَااور ہمیں دیا گیا
- الْعِلْمَعلم
- مِنْ قَبْلِهَااس سے قبل
- وَكُنَّااور ہم ہیں
- مُسْلِمِيْنَمسلمان۔ فرمانبردار
Translation · Aasan Quran
غرض جب وہ آئی تو اس سے پوچھا گیا : کیا تمہارا تخت ایسا ہی ہے ؟ کہنے لگی : ایسا لگتا ہے کہ یہ تو بالکل وہی ہے۔ (16) ہمیں تو اس سے پہلے ہی (آپ کی سچائی کا) علم عطا ہوگیا تھا، اور ہم سر جھکا چکے تھے۔ (17)
Tafseer · Aasan Quran
16: بلقیس سمجھ گئی کہ اس تخت کی شکل میں کچھ رد وبدل کیا گیا ہے اس لئے اس نے ایک طرف تو یقین ظاہر کرنے کے بجائے یہ کہا کہ ایسا لگتا ہے، لیکن دوسری طرف یہ بھی ظاہر کردیا کہ وہ اپنے تخت کو پہچان گئی ہے۔
17: یعنی مجھے آپ کی سچائی کا یقین کرنے کے لئے یہ معجزہ دیکھنے کی ضرورت نہیں تھی، بلکہ آپ کے ایلچیوں کے ذریعے آپ کے جو حالات مجھے معلوم ہوئے تھے ان کی وجہ سے مجھے پہلے ہی آپ کی سچائی کا علم حاصل ہوگیا تھا اور ہم نے آپ کی تابع داری میں سرجھکانے کا ارادہ کرلیا تھا۔