Dure-Mansoor - An-Najm : 50
وَ اَنَّهٗۤ اَهْلَكَ عَادَا اِ۟لْاُوْلٰىۙ
وَاَنَّهٗٓ : اور بیشک وہی ہے اَهْلَكَ : جس نے ہلاک کیا عَادَۨا الْاُوْلٰى : عاد اولیٰ کو
اور یہ کہ اسی نے عاد اولی کو ہلاک کیا
12:۔ ابن المنذر نے ابن جریج (رح) سے روایت کیا کہ (آیت ) '' وانہ ھو اھلک عاد الاولی '' (اور یہ کہ اسی نے قوم عاد کو (اس کے کفر کی وجہ سے ہلاک کیا) دوسرے عاد حضرموت میں تھے۔ 13:۔ عبد بن حمید (رح) وابن جریر (رح) وابن المنذر (رح) نے قتادہ ؓ سے روایت کیا کہ (آیت ) '' وقوم نوح من قبل انہم کانوا ھم اظلم واطغی '' (اور ان سے پہلے قوم نوح کو ہلاک کیا۔ بیشک وہ سب زیادہ ظالم اور سرکش تھے) یعنی قوم نوح سے بڑھ کر لوگوں میں سے اس سے زیادہ ظالم اور سرکشی کرنے والے نہیں تھے۔ نوح (علیہ السلام) نے ان کو ساڑھے نوسوسال (دین کی) دعوت دی جب بھی پہلی نسل مرجاتی اور دوسری نسل پیدا ہوجاتی تو آپ ان کو بھی (دین کی) دعوت دیتے یہاں تک کہ ہم کو یہ بات ذکر کی گئی کہ ایک آدمی اپنے بھائی یا اپنے بیٹے کے ہاتھ کو پکڑے ہوئے ان کی طرف چلتا تھا اور کہتا تھا اے میرے بیٹے میرے باپ بھی اسی طرح) مجھے اس کی طرف لے کر چلا تھا اور میں آج کے دن اللہ تعالیٰ کے حکم کی تکذیب اور لگا تار گمراہی کو اختیار کرنے میں تیری طرح ہوں۔
Top