Kashf-ur-Rahman - Maryam : 54
وَ اذْكُرْ فِی الْكِتٰبِ اِسْمٰعِیْلَ١٘ اِنَّهٗ كَانَ صَادِقَ الْوَعْدِ وَ كَانَ رَسُوْلًا نَّبِیًّاۚ
وَاذْكُرْ : اور یاد کرو فِي الْكِتٰبِ : کتاب میں اِسْمٰعِيْلَ : اسمعیل اِنَّهٗ : بیشک وہ كَانَ : تھے صَادِقَ الْوَعْدِ : وعدہ کا سچا وَكَانَ : اور تھے رَسُوْلًا : رسول نَّبِيًّا : نبی
اور اے پیغمبر اس کتاب یعنی قرآن کریم میں اسماعیل (علیہ السلام) کا بھی ذکر کیجیے یقینا وہ وعدہ کا بڑا سچا تھا اور وہ رسول بھی تھا اور نبی بھی تھا
-54 اور اے پیغمبر اس قرآن کریم میں اسماعیل (علیہ السلام) کا ذکر کیجیے وہ وعدے کا بڑا سچا تھا اور رسول تھا نبی تھا۔ یعنی اسمعیل کا جو ذکر ہم کر رہے ہیں اے پیغمبروہ ان لوگوں کو پڑھ کر سنائیے وعدے کا سچا فرمایا حضرت اسماعیل (علیہ السلام) کو یعنی اور اوصاف حمیدہ اور اخلاق عالیہ کے یہ وصف بہت نمایاں تھا کہ جو وعدہ فرماتے اس کو پورا کرتے رسول تھا یعنی ملت ابراہیمی کی تبلیغ کرتا تھا نبی تھا کہ اللہ تعالیٰ کی وحی کا مہبط تھا۔ حضرت شاہ صاحب فرماتے ہیں ایک شخص سے وعدہ کیا تھا کہ جب تک تو آوے میں اسی جگہ رہوں گا وہ ایک برس نہ آیا یہ وہاں ہی رہے۔ 12
Top