Anwar-ul-Bayan - 2 : 225

لَا يُؤَاخِذُكُمُ : نہیں پکڑتا تمہیں اللّٰهُ : اللہ بِاللَّغْوِ : لغو (بیہودہ) فِيْٓ : میں اَيْمَانِكُمْ : قسمیں تمہاری وَلٰكِنْ : اور لیکن يُّؤَاخِذُكُمْ : پکڑتا ہے تمہیں بِمَا : پر۔ جو كَسَبَتْ : کمایا قُلُوْبُكُمْ : دل تمہارے وَاللّٰهُ : اور اللہ غَفُوْرٌ : بخشنے والا حَلِيْمٌ : بردبار

خدا تمہاری لغو قسموں پر تم سے مواخذہ نہیں کرے گا لیکن جو قسمیں تم قصد دلی سے کھاؤ گے ان پر مواخذہ کرے گا اور خدا بخشنے والا بردبار ہے

(2:225) لایؤاخذکم اللہ۔ اللہ۔ فاعل ۔ لایؤاخذ فعل کم ضمیر مفعول۔ لایؤاخذ فعل مضارع منفی۔ واحد مذکر غائب۔ مؤاخذۃ (مفاعلۃ) مصدر بمعنی مؤاخذہ کرنا۔ گرفت کرنا۔ پکڑ کرنا ۔ اللہ فردت نہیں کرے گا تمہاری۔ باللغو۔ ب سببیہ۔ اللغو (باب نصر) بےمعنی بات۔ جو کسی گنتی شمار میں نہ ہو۔ جو سوچ سمجھ کر نہ کی جائے ۔ بےہودہ بات۔ یا بےہودی چیز۔ اور جگہ قرآن مجید میں آیا ہے والذین ھم عن اللغو مغرضون (23:3) اور جو بےہودہ باتوں سے اعراض کرتے ہیں۔ پہلو تہی کرتے ہیں۔ لغو اسم قسم کو کہتے ہیں جو بغیر نیت قسم کے بطور تکیہ کلام کے منہ سے نکل جاتی ہے۔ بقول حضرت عائشہ ؓ آدمی کی لغو قسم اس طرح کہنا ہے کہ لاو اللہ۔ بلی واللہ۔ لا یؤاخذکم اللہ باللغو فی ایمانکم۔ اللہ تعالیٰ تمہاری قسموں میں سے بےہودہ قسم پر تم سے مؤاخذہ نہیں کریگا۔ اخذ ۔۔ ب۔ کسی چیز کو پکڑنا۔ کسی کو گناہ پر سزا دینا۔ مؤاخذہ کرنا۔ بما کسبت قلوبکم۔ ما موصولہ۔ کسبت۔ فعل ماضی ۔ واحد مؤنث غائب۔ کسب (باب ضرب) مصدر۔ کمائی کرنا۔ نفع کے لئے کوئی کام کرنا خواہ نتیجہ اچھا نکلے یا برا۔ یہاں اس کا استعمال قلبی ارادہ اور نیت کی پختگی سے کام کرنے کے لئے ہوا ہے۔ یعنی وہ قسمیں جو تمہارے دلوں نے ارادۃ اور نیۃ کھائی ہوں۔ لیکم تم سے اس (قسم) پر مؤاخذہ کرے گا جو تم نے دلی ارادہ سے کھائی ہو جس پر تمہارے دلوں نے قصد کیا ہو۔ غفور۔ مغفرۃ۔ مصدر (باب ضرب) سے مبالغہ کا صیغہ ہے۔ بہت بخشنے والا۔ حلیم حلم سے بروزن فعیل۔ صفت مشیہ کا صیغہ ہے۔ بردبار۔ تحمل والا۔ حلم۔ جوش غضب سے اپنے نفس اور طبیرت کر روکنا۔ برباری۔ تحمل کرنا۔

Top