Anwar-ul-Bayan - Al-Qalam : 15
اِذَا تُتْلٰى عَلَیْهِ اٰیٰتُنَا قَالَ اَسَاطِیْرُ الْاَوَّلِیْنَ
اِذَا : جب تُتْلٰى : پڑھی جاتی ہیں عَلَيْهِ : اس پر اٰيٰتُنَا : ہماری آیات قَالَ : کہتا ہے اَسَاطِيْرُ : کہانیاں ہیں الْاَوَّلِيْنَ : پہلوں کی
جب اس کو ہماری آیتیں پڑھ کر سنائی جاتی ہیں تو کہتا ہے یہ اگلے لوگوں کے افسانے ہیں
(68:15) اذا تتلی علیہ ایتنا : جملہ شرط ہے قال اساطیر الاولین جواب شرط ہے تتلی مضارع مجہول واحد مؤنث غائب ۔ تلاوۃ (باب نصر) مصدر۔ وہ پڑھی جاتی ہے اس کی تلاوت کی جاتی ہے۔ یعنی جب اس کو ہماری آیات پڑھ کر سنائی جاتی ہیں (یعنی قرآن مجید کی آیات) ۔ اساطیر الاعلین : مضاف مضاف الیہ۔ اساطیر کہانیاں ۔ من گھڑت لکھی ہوئی باتیں۔ اسطورۃ کی جمع وہ جھوٹی خبر جس کے متعلق اعتقاد ہو کہ وہ جھوٹ گھڑ کر لکھ دی گئی ہے۔ الاولین اول کی جمع۔ بحالت نصب، پہلے لوگ، اگلے لوگ۔
Top