Kashf-ur-Rahman - Al-A'raaf : 52
وَ لَقَدْ جِئْنٰهُمْ بِكِتٰبٍ فَصَّلْنٰهُ عَلٰى عِلْمٍ هُدًى وَّ رَحْمَةً لِّقَوْمٍ یُّؤْمِنُوْنَ
وَ : اور لَقَدْ جِئْنٰهُمْ : البتہ ہم لائے ان کے پاس بِكِتٰبٍ : ایک کتاب فَصَّلْنٰهُ : ہم نے اسے تفصیل سے بیان کیا عَلٰي : پر عِلْمٍ : علم هُدًى : ہدایت وَّرَحْمَةً : اور رحمت لِّقَوْمٍ : لوگوں کے لیے يُّؤْمِنُوْنَ : جو ایمان لائے ہیں
اور بلاشبہ ہم نے ان کو ایک ایسی کتاب پہنچا دی ہے جس کو ہم نے اپنے علم کامل سے نہایت واضح بیان کردیا ہے وہ کتاب اہل ایمان کے لئے ہدایت و رحمت ہے
52 اور بالتحقیق ہم ان کے پاس ایک ایسی کتاب لائے ہیں اور ہم نے ایک ایسی کتاب ان کو پہنچادی ہے یعنی قرآن کریم جس میں ہم نے اپنے کمال علم کے ساتھ عقائد و اعمال کو خوب تفصیل سے بیان کردیا ہے اور اپنے علم کی بنا پر خوب واضح اور مفصل بیان کیا ہے اور یہ قرآن کریم ان لوگوں کے لئے جو اہل ایمان ہیں پوری ہدایت اور رحمت ہے یعنی جو سن کر قبول کرلے اسی کے لئے سودمند ہچے ورنہ یوں تو تمام لوگوں کے لئے بھیجا گیا ہے۔
Top