Mutaliya-e-Quran

فَمَنْ : پس جو خَافَ : خوف کرے مِنْ : سے مُّوْصٍ : وصیت کرنے والا جَنَفًا : طرفداری اَوْ اِثْمًا : یا گناہ فَاَصْلَحَ : پھر صلح کرادے بَيْنَهُمْ : ان کے درمیان فَلَآ اِثْمَ : پس نہیں گناہ عَلَيْهِ : اس پر اِنَّ : بیشک اللّٰهَ : اللہ غَفُوْرٌ : بخشنے والا رَّحِيْمٌ : رحم کرنے والا

البتہ جس کو یہ اندیشہ ہو کہ وصیت کرنے والے نے نادانستہ یا قصداً حق تلفی کی ہے، اور پھر معاملے سے تعلق رکھنے والوں کے درمیان وہ اصلاح کرے، تو اس پر کچھ گناہ نہیں ہے، اللہ بخشنے والا اور رحم فرمانے والا ہے

[ فَمَنْ : پس جس کو ] [ خَافَ : اندیشہ ہو ] [ مِنْ مُّوْصٍ : کسی وصیت کرنے والے سے ] [ جَنَفًا : جانبداری کا ] [ اَوْ اِثْمًا : یا کسی گناہ کا ] [ فَاَصْلَحَ : پھر اس نے درست کردیا (یعنی دستور کے مطابق کردیا) ] [ بَیْنَھُمْ : ان لوگوں کے مابین ] [ فَلَا اِثْمَ : تو کوئی گناہ نہیں ہے ] [ عَلَیْہِ : اس پر ] [ اِنَّ اللّٰہَ : یقینا اللہ ] [ غَفُوْرٌ: بےانتہا بخشنے والا ہے ] [ رَّحِیْمٌ: ہمیشہ رحم کرنے والا ہے ] ج ن جَنِفَ (س) جَنَفًا : راستہ سے ہٹ جانا ‘ فیصلے میں جانبداری کرنا۔ جَنَفٌ (اسم ذات): جانبداری ‘ معروف سے انحراف۔ آیت زیر مطالعہ۔ تَجَانَفَ (تفاعل) تَجَانُفًا : کسی کی طرف مائل ہونا ‘ جھکنا۔ مُتَجَانِفٌ(اسم الفاعل) : مائل ہونے والا ‘ جھکنے والا ۔ { فَمَنِ اضْطُرَّ فِیْ مَخْمَصَۃٍ غَیْرَ مُتَجَانِفٍ لِاّثْـمٍ …} (المائدۃ :3) ” پس جو لاچار ہوجائے بھوک میں جھکنے والا نہ ہوتے ہوئے گناہ کی طرف…“ ترکیب : ” مَنْ “ شرطیہ ہے۔ ” خَافَ “ سے ” بَیْنَھُمْ “ تک شرط ہے اور ” فَلَا اِثْمَ عَلَیْہِ “ جوابِ شرط ہے۔” مِنْ مُّوْصٍ “ متعلق فعل ہے ‘ جبکہ ” جَنَفًا “ اور ” اِثْمًا “ دونوں ” خَافَ “ کے مفعول ہیں۔” فَاَصْلَحَ “ کا مفعول ” اَلْوَصِیَّۃُ “ محذوف ہے۔” بَیْنَھُمْ “ میں ” ھُمْ “ کی ضمیر ان لوگوں کے لیے ہے جن کے لیے وصیت کی گئی ہے۔ ” اِثْمَ “ سے پہلے لائے نفی ٔجنس ہے۔ نوٹ (1) : اگر کسی وصیت میں جانبداری کا پہلو ہو تو گواہوں کی طرف سے اس میں اصلاح کی کوشش وصیت تبدیل کرنے کے ضمن میں نہیں آئے گی ‘ جس کی گزشتہ آیت میں ممانعت کی گئی ہے۔ البتہ گواہوں کو خود وصیت میں اصلاح کرنے کا اختیار نہیں ہے۔ اگر موقع ہو تو وصیت سنتے وقت وصیت کرنے والے کو اس میں اصلاح پر آمادہ کرے۔ بصورتِ دیگر وصیت صحیح بیان کرنے کے بعد وارثوں کی باہمی رضامندی سے اس میں اصلاح کرائے۔

Top