Kashf-ur-Rahman - An-Najm : 37
وَ اِبْرٰهِیْمَ الَّذِیْ وَفّٰۤىۙ
وَاِبْرٰهِيْمَ الَّذِيْ : اور ابراہیم جس نے وَفّيٰٓ : وفا کی
اور نیز اس ابراہیم (علیہ السلام) کے صحیفوں میں ہیں جس نے ہر حکم کو پورا کیا ۔
(37) اور نیز اس ابراہیم (علیہ السلام) کے صحیفوں میں ہیں جس نے ہر حکم کو پورا کیا۔ توریت کے علاوہ حضرت موسیٰ (علیہ السلام) کو اور چند صحیفے دیئے گئے تھے ان صحف میں اور حضرت ابراہیم (علیہ السلام) کے صحاف میں مذکور ہیں کیا ان مضامین کی خبر اس ولید کو نہیں پہنچی یعنی ان مضامین پر مطلع نہیں ہوا وہ مضامین تو قرآن سے بہت پہلے کے ہیں آگے ان مضامین کا ذکر ہے۔ جو حضرت ابراہیم (علیہ السلام) اور حضرت موسیٰ (علیہم السلام) کے صحائف میں مذکور ہیں علاو ہ اس کے کہ کفار مکہ کو ان مضامین سے آگاہ کرنا ہے اور ان کو تنبیہ کرنی ہے اس مضامین سے یہ بات بھی معلوم ہوگی کہ انبیاء کی تعلیمات میں کس قدر باہم آہنگی اور یکسانیت ہے چناچہ ارشاد ہوتا ہے۔
Top