آسان قرآن
Aasan Quran · 24. An-Noor · Ayah 2
اَلزَّانِیَةُ وَ الزَّانِیْ فَاجْلِدُوْا كُلَّ وَاحِدٍ مِّنْهُمَا مِائَةَ جَلْدَةٍ١۪ وَّ لَا تَاْخُذْكُمْ بِهِمَا رَاْفَةٌ فِیْ دِیْنِ اللّٰهِ اِنْ كُنْتُمْ تُؤْمِنُوْنَ بِاللّٰهِ وَ الْیَوْمِ الْاٰخِرِ١ۚ وَ لْیَشْهَدْ عَذَابَهُمَا طَآئِفَةٌ مِّنَ الْمُؤْمِنِیْنَ﴿2﴾
- اَلزَّانِيَةُبدکار عورت
- وَالزَّانِيْاور بدکار مرد
- فَاجْلِدُوْاتو تم کوڑے مارو
- كُلَّ وَاحِدٍہر ایک کو
- مِّنْهُمَاان دونوں میں سے
- مِائَةَ جَلْدَةٍسو کوڑے
- وَّلَا تَاْخُذْكُمْاور نہ پکڑو (نہ کھاؤ)
- بِهِمَاان پر
- رَاْفَةٌمہربانی (ترس)
- فِيْمیں
- دِيْنِ اللّٰهِاللہ کا حکم
- اِنْاگر
- كُنْتُمْ تُؤْمِنُوْنَتم ایمان رکھتے ہو
- بِاللّٰهِاللہ پر
- وَالْيَوْمِ الْاٰخِرِاور یوم آخرت
- وَلْيَشْهَدْاور چاہیے کہ موجود ہو
- عَذَابَهُمَاان کی سزا
- طَآئِفَةٌایک جماعت
- مِّنَسے۔ کی
- الْمُؤْمِنِيْنَمومن (جمع) مسلمان
Translation · Aasan Quran
زنا کرنے والی عورت اور زنا کرنے والے مرد دونوں کو سو سو کوڑے لگائے، (1) اور اگر تم اللہ اور یوم آخرت پر ایمان رکھتے ہو، تو اللہ کے دین کے معاملے میں ان پر ترس کھانے کا کوئی جذبہ تم پر غالب نہ آئے۔ اور یہ بھی چاہیے کہ مومنوں کا ایک مجمع ان کی سزا کو کھلی آنکھوں دیکھے۔
Tafseer · Aasan Quran
1: یہ وہ سزا ہے جو مرد یا عورت کے زنا کرنے پر قرآن کریم نے مقرر فرمائی ہے، اور جسے اصطلاح میں حد زنا کہا جاتا ہے۔ حضور نبی کریم ﷺ نے اپنے ارشاد اور اپنے عمل سے یہ وضاحت فرمائی ہے کہ اگر زنا کا ارتکاب کسی غیر شادی شدہ مرد یا عورت نے کیا ہو تب تو یہی سزا دی جائے گی، اور اگر اس جرم کا ارتکاب شادی شدہ مرد یا عورت نے کیا ہو، تو اس کی سزا رجم یعنی سنگساری ہے۔ اس مسئلے کی مکمل تحقیق میری کتاب عدالتی فیصلے میں دیکھی جاسکتی ہے۔