Ahsan-ut-Tafaseer

اِنَّ اللّٰهَ : بیشک اللہ وَمَلٰٓئِكَتَهٗ : اور اس کے فرشتے يُصَلُّوْنَ : درود بھیجتے ہیں عَلَي النَّبِيِّ ۭ : نبی پر يٰٓاَيُّهَا : اے الَّذِيْنَ اٰمَنُوْا : ایمان والو صَلُّوْا : درود بھیجو عَلَيْهِ : اس پر وَسَلِّمُوْا : اور سلام بھیجو تَسْلِيْمًا : خوب سلام

خدا اور اس کے فرشتے پیغمبر پر درود بھیجتے ہیں مومنو ! تم بھی پیغمبر پر درود اور سلام بھیجا کرو

56۔ صحیح حدیثوں سے معلوم ہوتا ہے کہ اذان کے بعد نماز کے قعدہ آخری میں اور جنازہ کی نماز میں درود شریف پڑھنے کی بڑی تاکید ہے یہاں تک کہ امام شافعی علیہ الرحمۃ کے نزدیک قعد آخری میں درود شریف کا پڑھنا فرض 2 ؎ ہے (2 ؎ سیل السلام ص 264 جلد اول طبع منیر یہ مصر) اور اس کے کے علاوہ بھی درود شریف پڑھنے کی بڑی فضیلت صحیح حدیثوں میں آئی ہے چناچہ مسند امام احمد وغیرہ میں حضرت انس ؓ سے روایت 3 ؎ ہے (3 ؎ الترغیب والترہیب ص 494 ج 2‘) جس کا حاصل یہ ہے کہ آنحضرت ﷺ نے فرمایا جو کوئی مجھ پر ایک دفعہ درود بھیجے اللہ اس شخص پر دس دفعہ رحمت بھیجتا ہے ترمذی مسند امام احمد وغیرہ میں روایتیں 4 ؎ ہیں (4 ؎ ترغیب ص 409‘ 410 ج 2 باب الترہیب من ان یجلس الانسان نجلسأ الخ۔ ) جن کا حاصل یہ ہے کہ آنحضرت ﷺ نے فرمایا جو لوگ درود پڑھنے سے غافل ہیں قیامت کے دن درود پڑھنے والوں کا ثواب دیکھ کر ان غافل لوگوں کی بڑی حسرت میں یہ بھی آیا ہے کہ جو شخص درود شریف پڑھنا بھول گیا وہ گویا جنت کا رستہ بھول گیا صحیح بخاری مسلم وغیرہ میں کعب ؓ بن عجرہ سے روایت 7 ؎ ہے (7 ؎ مشکوٰۃ باب الصلوۃ علی النبی ﷺ جس کا حاصل یہ ہے کہ لوگوں نے آنحضرت ﷺ سے پوچھا کہ ہم لوگ آپ پر کن لفظوں سے درود اور سلام بھیجا کریں تو آق نے وہی لفظ فرمائے جو سب لوگ التحیات میں پڑھتے ہیں۔ اگرچہ دوسری حدیثوں میں درود کے بہت سے لفظ آئے ہیں لیکن اس حدیث سے معلوم ہوتا ہے کہ جو لفظ اکثر مرد عورت کی زبان پر ہیں ان کے پڑھ لینے سے اللہ کے حکم کی تعمیل ہوسکتی ہے۔

Top