آسان قرآن
Aasan Quran · 5. Al-Maaida · Ayah 42
سَمّٰعُوْنَ لِلْكَذِبِ اَكّٰلُوْنَ لِلسُّحْتِ١ؕ فَاِنْ جَآءُوْكَ فَاحْكُمْ بَیْنَهُمْ اَوْ اَعْرِضْ عَنْهُمْ١ۚ وَ اِنْ تُعْرِضْ عَنْهُمْ فَلَنْ یَّضُرُّوْكَ شَیْئًا١ؕ وَ اِنْ حَكَمْتَ فَاحْكُمْ بَیْنَهُمْ بِالْقِسْطِ١ؕ اِنَّ اللّٰهَ یُحِبُّ الْمُقْسِطِیْنَ﴿42﴾
- سَمّٰعُوْنَجاسوسی کرنے والے
- لِلْكَذِبِجھوٹ کے لیے
- اَكّٰلُوْنَبڑے کھانے والے
- لِلسُّحْتِحرام
- فَاِنْپس اگر
- جَآءُوْكَآپ کے پاس آئیں
- فَاحْكُمْتو فیصلہ کردیں آپ
- بَيْنَهُمْان کے درمیان
- اَوْیا
- اَعْرِضْمنہ پھیر لیں
- عَنْهُمْان سے
- وَاِنْاور اگر
- تُعْرِضْآپ منہ پھیر لیں
- عَنْهُمْان سے
- فَلَنْتو ہرگز
- يَّضُرُّوْكَآپ کا نہ بگاڑ سکیں گے
- شَيْئًاکچھ
- وَاِنْاور اگر
- حَكَمْتَآپ فیصلہ کریں
- فَاحْكُمْتو فیصلہ کریں
- بَيْنَهُمْان کے درمیان
- بِالْقِسْطِانصاف سے
- اِنَّ اللّٰهَبیشک اللہ
- يُحِبُّدوست رکھتا ہے
- الْمُقْسِطِيْنَانصاف کرنے والے
Translation · Aasan Quran
یہ کان لگا لگا کر جھوٹی باتیں سننے والے، جی بھر بھر کر حرام کھانے والے ہیں۔ (36) چنانچہ اگر یہ تمہارے پاس آئیں تو چاہے ان کے درمیان فیصلہ کردو، اور چاہے ان سے منہ موڑ لو (37) اگر تم ان سے منہ موڑ لو گے تو یہ تمہیں کوئی نقصان نہیں پہنچا سکیں گے، اور اگر فیصلہ کرنا ہو تو انصاف سے فیصلہ کرو۔ یقینا اللہ انصاف کرنے والوں سے محبت کرتا ہے۔
Tafseer · Aasan Quran
36: یہاں حرام سے مراد وہ رشوت ہے جس کی خاطر یہودی پیشوا تورات کے احکام میں تبدیلیاں کردیتے تھے۔
37: جو یہودی فیصلہ کرانے آئے تھے ان سے جنگ بندی کا معاہدہ تو تھا مگر وہ باقاعدہ اسلامی حکومت کے شہری نہیں تھے، اس لئے آپ کو یہ اختیار دیا گیا کہ چاہیں تو ان کا فیصلہ کردیں اور چاہیں تو انکار فرمادیں، ورنہ جو غیر مسلم اسلامی حکومت کے باقاعدہ شہری بن جائیں ملک کے عام قوانین میں ان کا فیصلہ بھی اسلامی شریعت کے مطابق ہی کرنا ضرری ہے جیسا کہ آگے آرہا ہے البتہ ان کے خاص مذہبی قوانین جو نکاح طلاق اور وراثت وغیرہ سے متعلق ہیں ان میں انہی کے مذہب کے مطابق فیصلہ انہی کے ججوں کے ذریعے کروایا جاتا ہے۔