آسان قرآن
Aasan Quran · 64. At-Taghaabun · Ayah 9
یَوْمَ یَجْمَعُكُمْ لِیَوْمِ الْجَمْعِ ذٰلِكَ یَوْمُ التَّغَابُنِ١ؕ وَ مَنْ یُّؤْمِنْۢ بِاللّٰهِ وَ یَعْمَلْ صَالِحًا یُّكَفِّرْ عَنْهُ سَیِّاٰتِهٖ وَ یُدْخِلْهُ جَنّٰتٍ تَجْرِیْ مِنْ تَحْتِهَا الْاَنْهٰرُ خٰلِدِیْنَ فِیْهَاۤ اَبَدًا١ؕ ذٰلِكَ الْفَوْزُ الْعَظِیْمُ﴿9﴾
- يَوْمَ يَجْمَعُكُمْجس دن وہ جمع کرے گا تم کو
- لِيَوْمِ الْجَمْعِجمع کرنے کے دن
- ذٰلِكَیہ
- يَوْمُ التَّغَابُنِدن ہے ہار جیت کا
- ۭوَمَنْ يُّؤْمِنْۢاور جو ایمان لائے گا
- بِاللّٰهِاللہ پر
- وَيَعْمَلْ صَالِحًااور عمل کرے گا اچھے
- يُّكَفِّرْ عَنْهُدور کردے گا اس سے
- سَيِّاٰتِهٖاس کی برائیاں
- وَيُدْخِلْهُاور داخل کرے گا اس کو
- جَنّٰتٍ تَجْرِيْباغوں میں ، بہتی ہیں
- مِنْ تَحْتِهَا الْاَنْهٰرُجن کے نیچے نہریں
- خٰلِدِيْنَ فِيْهَآہمیشہ رہنے والے ہیں ان جنتوں میں
- اَبَدًاہمیشہ ہمیشہ
- ذٰلِكَیہی لوگ
- الْفَوْزُ الْعَظِيْمُکامیابی ہے بہت بڑی
Translation · Aasan Quran
(یہ دوسری زندگی) اس دن (ہوگی) جب اللہ تمہیں روز حشر میں اکٹھا کرے گا۔ وہ ایسا دن ہوگا جس میں کچھ لوگ دوسروں کو حسرت میں ڈال دیں گے۔ (1) اور جو شخص اللہ پر ایمان لایا ہوگا، اور اس نے نیک عمل کیے ہوں گے، اللہ اس کے گناہوں کو معاف کردے گا، اور اس کو ایسے باغوں میں داخل کرے گا جن کے نیچے نہریں بہتی ہوں گی، جن میں وہ ہمیشہ ہمیشہ رہیں گے۔ یہ ہے بڑی کامیابی۔
Tafseer · Aasan Quran
1: قرآن کریم نے یہاں تغابن کا لفظ استعمال فرمایا ہے، جس کا مفہوم یہ ہے کہ لوگ ایک دوسرے کو نقصان یا حسرت میں مبتلا کریں، قیامت کے دن کو تغابن کا دن اس لئے کہا گیا ہے کہ اس دن جو لوگ جنت میں جائیں گے دوزخی لوگ انہیں دیکھ کر حسرت کریں گے کہ کاش ہم نے دنیا میں ان جنتیوں جیسے عمل کئے ہوتے تو آج ہم بھی جنت کی نعمتوں سے فائدہ اٹھاتے، حضرت شاہ عبدالقادر صاحب ؒ نے اس کا ترجمہ ہار جیت کا دن کیا ہے، جو مفہوم کو اختصار کے ساتھ واضح کردیتا ہے۔