Tafseer-e-Mazhari - Az-Zukhruf : 10
الَّذِیْ جَعَلَ لَكُمُ الْاَرْضَ مَهْدًا وَّ جَعَلَ لَكُمْ فِیْهَا سُبُلًا لَّعَلَّكُمْ تَهْتَدُوْنَۚ
الَّذِيْ : جس نے جَعَلَ : بنایا لَكُمُ الْاَرْضَ : تمہارے لیے زمین کو مَهْدًا : گہوارہ وَّجَعَلَ لَكُمْ : اور بنائے تمہارے لیے فِيْهَا : اس میں سُبُلًا : راستے لَّعَلَّكُمْ تَهْتَدُوْنَ : تاکہ تم، تم ہدایت پاؤ
جس نے تمہارے لئے زمین کو بچھونا بنایا۔ اور اس میں تمہارے لئے رستے بنائے تاکہ تم راہ معلوم کرو
الذی جعل لکم الارض مھدا وجعل لکم فیھا سبلا لعلکم تھتدون جس نے تمہارے (آرام کے) لئے زمین کو (مثل) فرش (کے) بنایا اور اس میں تمہارے لئے راستے بنائے تاکہ تم منزل مقصود تک پہنچ سکو۔ وَلَءِنْ سَاَلْتَھُمْ یعنی کفار مکہ سے اگر آپ دریافت کریں۔ مَھْدًا یعنی فرش ‘ جیسے بچہ کا بستر ہوتا ہے۔ سُبُلاً یعنی چلنے کیلئے اس نے زمین میں راستے بنا دئیے۔ لَّعَلَّکُمْ تَھْتَدُوْنَ تاکہ ان راستوں پر چل کر تم اپنے مقصد تک پہنچ جاؤ ‘ یا یہ مطلب ہے کہ زمین میں پیدا کی ہوئی راہوں پر غور کر کے حکمت صانع کو سمجھنے تک تمہاری ذہنی رسائی ہوجائے۔
Top