تفسیر القرطبی

فوقاھم اللہ شرذالک الیوم ولقاھم نظرۃ وسرورا۔ اللہ تعالیٰ نے ان سے اس دن کی شدت اور عذاب کو دور کردیا ہے جب انہوں نے اللہ تعالیٰ سے ملاقات کی یعنی اسے دیکھا تو انہیں حسن و سرور عطا کیا حسن اور مجاہد نے کہا، تروتازگی ان کے چہروں میں اور خوشی ان کے دلوں میں تھی، نضرۃ میں تین صورتیں ہیں ان میں سے ایک سفیدی اور صفائی ہے یہ ضحاک نے کہا، دوسری حسن و خوبصورتی، یہ ابن جبیر کا قول ہے۔ تیسری یہ نعمت کا اثر ہے یہ ابن زید نے کہا۔