Madarik-ut-Tanzil - Al-Qalam : 10
وَ لَا تُطِعْ كُلَّ حَلَّافٍ مَّهِیْنٍۙ
وَلَا : اور نہ تُطِعْ : تم اطاعت کرو كُلَّ حَلَّافٍ : بہت قسمیں کھانے والے کی مَّهِيْنٍ : ذلیل
اور کسی ایسے شخص کے کہے میں نہ آجانا جو بہت قسمیں کھانے والا ذلیل اوقات ہے۔
ولید کے متعلق یہ آیت اتری : 10 : وَلَا تُطِعْ کُلَّ حَلَّافٍ مَّھِیْنٍ (اور آپ کسی ایسے شخص کا کہنا نہ مانیں جو بہت زیادہ قسمیں اٹھانے والابے وقعت ہو) حلافؔ جو جھوٹی سچی بہت قسمیں اٹھائے۔ اس آیت میں بہت زیادہ قسمیں کھانے والوں کو خوب ڈانٹ پلائی گئی ہے۔ مھینؔ۔ نمبر 1۔ جو رائے اور تمیز میں کمی رکھتا ہو۔ یہ المھانۃ سے لیا گیا۔ وہ قلت و حقارت پر بولتے ہیں۔ نمبر 2۔ جھوٹا کیونکہ وہ بھی لوگوں میں ذلیل ہوتا ہے۔
Top