Tafseer-e-Majidi - Maryam : 56
وَ اذْكُرْ فِی الْكِتٰبِ اِدْرِیْسَ١٘ اِنَّهٗ كَانَ صِدِّیْقًا نَّبِیًّاۗۙ
وَاذْكُرْ : اور یاد کرو فِي الْكِتٰبِ : کتاب میں اِدْرِيْسَ : ادریس اِنَّهٗ : بیشک وہ كَانَ : تھے صِدِّيْقًا : سچے نَّبِيًّا : نبی
آپ (اس) کتاب میں اور ادریس کا بھی ذکر کیجیے بیشک وہ بڑی راستی والے تھے نبی تھیے،84۔
84۔ صدیق کے لیے ملاحظہ ہو حاشیہ نمبر 60، 62۔ (آیت) ” ادریس “۔ اغلب یہ ہے کہ یہ وہی نبی ہیں، جن کا نام توریت میں حنوک آیا ہے، یہ قابیل کے فرزند اکبر تھے۔ (پیدائش۔ 4: 17) یعنی حضرت آدم (علیہ السلام) کے پوتے۔ توریت سے ان کے مزید حالات یہ ملتے ہیں :۔” اور حنوک 65 برس کا ہوا کہ اس سے متوسلح پیدا ہوا۔ اور متوسلح کی پیدائش کے بعد حنوک 300 برس خدا کے ساتھ ساتھ چلتا تھا، اور اس سے بیٹے اور بیٹیاں پیدا ہوئیں اور حنوک کی ساری عمر 365 برس کی ہوئی۔ اور حنوک خدا کے ساتھ ساتھ چلتا تھا (پیدائش 5: 21۔ 23) بعض مورخین نے ان کا زمانہ 3284 ؁ تا 3017 ؁ ق، م۔ متعین کیا ہے واللہ اعلم۔
Top