Siraj-ul-Bayan - 22 : 31

حُنَفَآءَ لِلّٰهِ غَیْرَ مُشْرِكِیْنَ بِهٖ١ؕ وَ مَنْ یُّشْرِكْ بِاللّٰهِ فَكَاَنَّمَا خَرَّ مِنَ السَّمَآءِ فَتَخْطَفُهُ الطَّیْرُ اَوْ تَهْوِیْ بِهِ الرِّیْحُ فِیْ مَكَانٍ سَحِیْقٍ

حُنَفَآءَ لِلّٰهِ : اللہ کے لیے یک رخ ہوکر غَيْرَ : نہ مُشْرِكِيْنَ : شریک کرنے والے بِهٖ : اس کے ساتھ وَمَنْ : اور جو يُّشْرِكْ : شریک کرے گا بِاللّٰهِ : اللہ کا فَكَاَنَّمَا : تو گویا خَرَّ : وہ گرا مِنَ السَّمَآءِ : آسمان سے فَتَخْطَفُهُ : پس اسے اچک لے جاتے ہیں الطَّيْرُ : پرندے اَوْ : یا تَهْوِيْ : پھینک دیتی ہے بِهِ : اس کو الرِّيْحُ : ہوا فِيْ : میں مَكَانٍ : کسی جگہ سَحِيْقٍ : دور دراز

(حلال مال کھاؤ ) اللہ کے لئے یکطرفہ ہو کر نہ اس کے ساتھ شریک بنا کر ، اور جس نے اللہ کے ساتھ شریک ٹھہرایا وہ گویا آسمان سے گر پڑا پھر اسے پرندے اچک لے گئے ، یا اسے ہوا نے کسی دور جگہ میں لے جا کر پٹک دیا (ف 1) ۔

توحید سربلندی ہے ! : (ف 1) ان آیات میں پہلے تو بیان فرمایا ہے کہ قابل احترام احکام کو عزت تسلیم کی قطروں سے دیکھنا اللہ کے نزدیک بہتر ہے اور اس کے بعد مسائل حج کی طرف رجوع فرمایا ہے ۔ شبہ یہ پیدا ہوتا تھا ، کہ جب احرام کی حالت میں شکار کھیلنا درست نہیں ، تو شاید عام چارپائے بھی حرام ہوں ، اس شبہ کی جواب میں فرمایا کہ چارپائے تمہارے لئے حلال ہیں اور احرام ان کی حلت میں خلل انداز نہیں ہوتا ۔ اس کے بعد ارشاد ہے کہ جب تم اللہ کے احکام کو عزت واحترام کی نگاہوں سے دیکھتے ہو ، تو پھر تمہارے لئے یہ بھی ضروری ہے کہ بت پرستی کی نجات سے بچو ، اور جھوٹ سے پرہیز کرو ، اور خدا کی توحید کی سلسلہ میں عزیمت و استقلال کے ساتھ ثابت قدم رہو ۔ کیونکہ توحید فطرت ہے ، توحید سربلندی و اعزاز ہے ، اور توحید رفعت وعلو ہے ، وہ لوگ جو توحید کو چھوڑ کر شرک اختیار کرلیتے ہیں ، عقل اور عمل کے لحاظ سے گویا آسمان رفعت سے قعر مذلت کی طرف نزول کرتے ہیں ، جس طرح بلندی سے گر کر انسان محفوظ نہیں رہتا ہے ، اسی طرح مشرک بھی قوت وحیات کی تمام استعدادوں کو کھو دیتا ہے ، غور فرمائیے کہ یہ کس قدر صحیح حقیقت ہے کیونکہ شرک اور بت پرستی کے معنے یہ ہیں ، کہ مشرک اور بت پرست زیور انسانیت سے عاری ہیں ، انہوں نے عزت وخود داری کے تمام پاکیزہ جذبات کو اصنام کے بھینٹ چڑھا دیا ہے ، اس کے بعد شعائر اللہ کی تعظیم کا ذکر ہے ، فرمایا ہے کہ اس سے دلوں میں تقوی اور پرہیزگاری کے جذبات پیدا ہوتے ہیں ۔ بات یہ ہے کہ اللہ تعالیٰ کی تجلیات کا اظہار کئی صورتوں میں ہوتا ہے ، اور ان میں ایک صورت شعائر کی بھی ہے ، شعائر الہیہ کی تعظیم سے دلوں میں ایک خاص قسم کی فرحت اور روحانی لذت محسوس ہوتی ہے ۔ (آیت) ” لکم فیھا منافع “۔ میں فیھا کی ضمیر ھدی یا قربانی کی طرف راجع ہے ، اس سے یہ معلوم ہوتا ہے کہ آیت ماسبق میں شعائر سے مراد قربانی ہی ہے ۔ اس کے بعد اس حقیقت کا اظہار فرمایا ہے کہ وقتا فوقتا ہم نے ہر قوم کے لئے ایک طریق عبادت وقربانی مقرر کیا ہے ، جس کی پر وی ان کے لئے ضروری تھی اور سب کا مقصد یہ ہے کہ لوگ خدا پرستی کے جذبات دل میں پیدا کریں ، اور صرف ایک معبود حقیقی کے آگے جھکیں ۔ خدا پرستی اور خدا دوستی کے مختلف طریقے ہیں ، محض اس لئے مخالفین اسلام کو اسلام سے برگشتہ نہ ہوجانا چاہئے کہ ان کا طریق نیاز مندی دوسروں سے مختلف ہے ، بلکہ یہ غور کرنا چاہئے کہ جو کچھ پیش کیا جارہا ہے ، وہ کہاں تک قابل عمل ہے اور کہاں تک نتیجہ خیز ۔ حل لغات : الرجس : نجاست ، پلیدی ، حنفائ : حنیف کی جمع ہے بمعنی موحد ۔

Top