Siraj-ul-Bayan - 22 : 63

اَلَمْ تَرَ : کیا تونے نہیں دیکھا اَنَّ اللّٰهَ : کہ اللہ اَنْزَلَ : اتارا مِنَ : سے السَّمَآءِ : آسمان مَآءً : پانی فَتُصْبِحُ : تو ہوگئی الْاَرْضُ : زمین مُخْضَرَّةً : سرسبز اِنَّ : بیشک اللّٰهَ : اللہ لَطِيْفٌ : نہایت مہربان خَبِيْرٌ : خبر رکھنے والا

کیا تونے نہ دیکھا کہ اللہ نے آسمان سے پانی اتارا پھر زمین سبز ہوگئی ، بیشک اللہ باریک بین خبردار ہے (ف 1) ۔

مستور معانی کی جھلک : (ف 1) قرآن حکیم میں یہ خوبی ہے کہ وہ مشاہدات قدرت سے عجیب عجیب استدلال کرتا ہے اور وجہ استدلال کو بعض دفعہ بیان نہیں کرتا ، تاکہ ذہن پر زیادہ زور پڑے ، اور پوشیدہ معارف کو حاصل کرکے وہ ایک نوع کی روحانی مسرت محسوس کرے ۔ اس آیت میں کہنے کو تو ایک صریح حقیقت بیان کی ہے کہ دیکھو بارش کے بعد خشک زمین کیسی سرسبز ہوجاتی ہے ، مگر آخری الفاظ (آیت) ” ان اللہ لطیف خبیر “۔ پر غور کرنے سے معلوم ہوگا کہ پس پردہ معافی اور معارف کا قصر بلند موجود ہے ، یعنی کفار کی توجہ کو اللہ کے لطف عمیم کی جانب مبذول کیا ہے تاکہ وہ اسلام کی ضرورت واہمیت کو سمجھ سکیں ۔ جب اللہ تعالیٰ کے لطف وکرم اور علم و حکمت کا تقاضا یہ ہے کہ مینہ برسا کر خشک اور بےرونق زمین بھی سرسبز و شاداب کردی جاتی ہے ، تو کیا تمہارے دلوں کی شادبی کے لئے اس نے ابر رحمت کے برسانے میں بخل سے کام لیا ہے ، یا وہ تمہاری روحانی تشنیگوں سے بیخبر ہے ، جب تم تسلیم کرتے ہو تو وہ لطیف ہے یعنی نہایت نیکو کار اور مددگار ہے اور خیبر یعنی آگاہ ہے تو پھر ضروری ہوجاتا ہے کہ وہ تمہیں سچے مذہب سے آشنا کرے اور تمہاری دلوں کی دنیا کو تسکین طمانیت کا سامان بہم پہنچائے ، یہ آیت بھی اسی قبیل سے ہے یعنی مقصود کرشمہ کر رکھا ہے مگر ربط اور سیاق سے مطلب بالکل واضح ہے یعنی دلوں کی دنیا کو دل دینا ہماری طاقت وقوت سے باہر نہیں ہم تمہاری عناد کو محبت کے ساتھ اور تمہارے کفر کو ایمان کے ساتھ بدل سکتی ، میں کیونکر یہاں آسمان و زمین میں جو کچھ ہے وہ ہمارے ہیں ۔

Top