تفسیرِ مظہری
Tafseer-e-Mazhari · 24. An-Noor · Ayah 52
Tafseerوَ مَنْ یُّطِعِ اللّٰهَ وَ رَسُوْلَهٗ وَ یَخْشَ اللّٰهَ وَ یَتَّقْهِ فَاُولٰٓئِكَ هُمُ الْفَآئِزُوْنَ﴿52﴾
- وَمَنْاور جو
- يُّطِعِ اللّٰهَاطاعت کرے اللہ کی
- وَرَسُوْلَهٗاور اس کا رسول
- وَيَخْشَاور ڈرے
- اللّٰهَاللہ
- وَيَتَّقْهِاور پرہیزگاری کرے
- فَاُولٰٓئِكَپس وہ
- هُمُوہی
- الْفَآئِزُوْنَکامیاب ہونے والے
Translation · Tafseer-e-Mazhari
اور جو شخص خدا اور اس کے رسول کی فرمانبرداری کرے گا اور اس سے ڈرے گا تو ایسے لوگ مراد کو پہنچنے والے ہیں
Tafseer-e-Mazhari
ومن یطع اللہ ورسولہ اور جو شخص اللہ اور اس کے رسول کی اطاعت کرے گا حضرت ابن عباس ؓ نے فرمایا خواہ
اس فرماں برداری میں اس کو دکھ پہنچے یا خوشی حاصل ہو۔
ویخش اللہ اور اللہ سے ڈرتا رہے گا۔ یعنی اپنے کئے ہوئے گناہوں کی پکڑ کا اور اللہ کے حکم کے خلاف کرنے کا
اس کو ڈر لگا رہے گا۔
ویتقہ اور اللہ (کے عذاب) سے خوف رکھے گا۔ یعنی اللہ کے احکام و حدود کی پابندی کرے گا تعمیل اوامر کرے گا اور
ممنوعات سے بچتا رہے گا۔
فاولئک ہم الفائزون۔ سو ایسے ہی لوگ کامیاب ہوں گے۔ دوامی سکھ اور اللہ کی خوشنودی ان کو ملے گی۔