Tafseer-e-Baghwi - At-Tawba : 82
فَلْیَضْحَكُوْا قَلِیْلًا وَّ لْیَبْكُوْا كَثِیْرًا١ۚ جَزَآءًۢ بِمَا كَانُوْا یَكْسِبُوْنَ
فَلْيَضْحَكُوْا : چاہیے وہ ہنسیں قَلِيْلًا : تھوڑا وَّلْيَبْكُوْا : اور روئیں كَثِيْرًا : زیادہ جَزَآءً : بدلہ بِمَا : اس کا جو كَانُوْا يَكْسِبُوْنَ : وہ کماتے تھے
یہ (دنیا میں) تھوڑا ساہنس لیں اور (آخرت میں) انکو ان اعمال کے بدلے جو کرتے رہے ہیں بہت سا رونا ہوگا۔
82:” فلیضحکوا قلیلا “ دنیا میں ” ولیبکوا کثیرا “ آخرت میں۔ تقدیر عبارت یہ ہے ” فلیضحکوا قلیلا ولیبکوا کثیرا “ ‘۔۔۔۔” جزآء مما کا نوا یکسبون “ موسیٰ بن انس ؓ سے روایت ہے کہ رسول اللہ ﷺ نے فرمایا کہ اگر تم وہ کچھ جان لو جو میں جانتا ہوں تو تھوڑ ا ہنسو اور زیادہ روئو۔ انس بن مالک ؓ سے روایت ہے کہ رسول اللہ ﷺ نے فرمایا کہ اے لوگو ! تم رویا کرو ‘ اگر رونے کی طاقت نہیں رکھتے تو رونے کی صورت بنا لو کیونکہ جہنم والے جہنم میں اتنا روئیں گے کہ ان کے آنسو ان کے چہرے پر اتنے بہیں گے کہ گویا وہ چھوٹے نالے ہیں۔ پھر آنسو ختم ہوجائیں گے تو خون کے آنسو بہیں گے۔ اگر کشتیاں اس میں چلائی جائیں تو چل پڑیں۔
Top