تفہیم القرآن
Tafheem-ul-Quran · 18. Al-Kahf · Ayah 65
Tafseerفَوَجَدَا عَبْدًا مِّنْ عِبَادِنَاۤ اٰتَیْنٰهُ رَحْمَةً مِّنْ عِنْدِنَا وَ عَلَّمْنٰهُ مِنْ لَّدُنَّا عِلْمًا﴿65﴾
- فَوَجَدَاپھر دونوں نے پایا
- عَبْدًاایک بندہ
- مِّنْسے
- عِبَادِنَآہمارے بندے
- اٰتَيْنٰهُہم نے دی اسے
- رَحْمَةًرحمت
- مِّنْسے
- عِنْدِنَااپنے پاس
- وَعَلَّمْنٰهُاور ہم نے علم دیا اسے
- مِنْ لَّدُنَّااپنے پاس سے
- عِلْمًاعلم
Translation · Tafheem-ul-Quran
اور وہاں اُنہوں نے ہمارے بندوں میں سے ایک بندے کو پایا جسے ہم نے اپنی رحمت سے نوازا تھا اور اپنی طرف سے ایک خاص علم عطا کیا تھا۔ 59
Tafseer · Tafheem-ul-Quran
سورة الْكَهْف 59
اس بندے کا نام تمام معتبر احادیث میں خضر بتایا گیا ہے۔ اس لیے ان لوگوں کے اقوال کسی التفات کے مستحق نہیں ہیں جو اسرائیلی روایات سے متاثر ہو کر حضرت الیاس کی طرف اس قصے کو منسوب کرتے ہیں۔ ان کا یہ قول نہ صرف اس بنا پر غلط ہے کہ نبی ﷺ کے ارشاد سے متصادم ہوتا ہے، بلکہ اس بنا پر بھی سراسر لغو ہے کہ حضرت الیاس حضرت موسیٰ کے کئی سو برس بعد پیدا ہوئے ہیں۔
حضرت موسیٰ کے خادم کا نام بھی قرآن میں نہیں بتایا گیا ہے۔ البتہ بعض روایات میں ذکر ہے کہ وہ حضرت یوشع بن نون تھے جو بعد میں حضرت موسیٰ کے خلیفہ ہوئے۔