Anwar-ul-Bayan - 42 : 20

مَنْ كَانَ یُرِیْدُ حَرْثَ الْاٰخِرَةِ نَزِدْ لَهٗ فِیْ حَرْثِهٖ١ۚ وَ مَنْ كَانَ یُرِیْدُ حَرْثَ الدُّنْیَا نُؤْتِهٖ مِنْهَا وَ مَا لَهٗ فِی الْاٰخِرَةِ مِنْ نَّصِیْبٍ

مَنْ كَانَ : جو کوئی ہے يُرِيْدُ : ارادہ رکھتا۔ چاہتا ہے حَرْثَ الْاٰخِرَةِ : آخرت کی کھیتی کا نَزِدْ لَهٗ : ہم زیادہ کردیتے ہیں اس کے لیے فِيْ حَرْثِهٖ : اس کی کھیتی میں وَمَنْ : اور جو کوئی كَانَ : ہے يُرِيْدُ : ارادہ رکھتا حَرْثَ الدُّنْيَا : دنیا کی کھیتی کا نُؤْتِهٖ مِنْهَا : ہم دیتے ہیں اس کو اس میں سے وَمَا لَهٗ : اور نہیں اس کے لیے فِي : میں الْاٰخِرَةِ : آخرت (میں) مِنْ نَّصِيْبٍ : کوئی حصہ

جو شخص آخرت کی کھیتی کا طالب ہو اس کے لیے ہم اس کی کھیتی میں افزائش کریں گے اور جو دنیا کی کھیتی کا خواستگار ہو اس کو ہم اس میں سے دے دیں گے اور اس کا آخرت میں کچھ حصہ نہ ہوگا

(42:20) من شرطیہ ہے۔ کان یرید۔ ماضی استمراری واحد مذکر غائب ارادۃ (افعال) مصدر (جو دنیا میں) چاہتا تھا۔ چاہا کرتا تھا۔ حرث الاخرۃ مضاف مضاف الیہ دونوں مل کر کان یرید کا مفعول ۔ آخرت کی کھیتی۔ یعنی جو نیک کام دنیا میں اس نیت سے کیا کرتا تھا کہ اسے اس کا پھل آخرت میں ملے نزد (مضارع مجزوم بوجہ جواب شرط صیغہ جمع متکلم۔ زیادۃ مصدر باب ضرب) لہ فی حرثہ ہم اس کی کھیتی کے پھل یعنی ثواب (آخرت) میں اضافہ کریں گے۔ یعنی بڑھا دیں گے۔ حرث کھیتی، زراعت، حرث یحرث (باب ضرب) سے مصدر ہے۔ بیج ڈالنا کھیتی کرنا۔ کھیت۔ نؤتہ۔ مضارع جمع متکلم ایتاء (افعال) مصدر ہ ضمیر مفعول واحد مذکر غائب ہم اس کو عطا کریں گے۔ منھا : من تبعیضیہ ہے۔ ھا ضمیر واحد مؤنث غائب کا مرجع حرث الدنیا ہے۔ منھا، ای شیئا منھا وھو رزقہ الذی قسم لہ لاما یرید۔ اس کو دنیا کے مال سے اسی قدر رزق ملے گا جو اس کی قسمت میں لکھا جا چکا ہے نہ کہ جو وہ چاہتا ہے۔ نصیب۔ حصہ۔ (آخرت میں اس کا کچھ حصہ نہ ہوگا) ۔

Top